Uça k'amk'uli.

Si bet'i uça k'amk'uli steri re.

Nay loya şurape zirare hey putxur.

a hey natvatzer, a hay.

Dogoğurini ma

xepepe şk'imite.

sapule bile var giğun, 

muço fuk'ara do umitelepe steri

kelaktoçi.

Guri ti vacemat'ten.

Lazuri ar majurani nena na ort'u na oxovotzonişi p'aramit'i..

Ma Nuk'la cemozun.

Ar Lazi bozo vore. Germanias pski'dur. 

Matruşka'şk'imişi doloxe na bziri ar minoba ren Lazeburi. Matruşk'aşi doloxe  xvalaLazeburi şinaxeri va miğun. Germanuri, Turkuli, Amerikanuri do çk'va nenape do kulturape dovimpuli.
Hişo işte.

Bere vort'isha, nana do babaşk'imi, şkuni şk'ala Lazuri isinapes, mara Lazuri ar nena na ort'u vamişk'urtes him orape. 

Ar mapxa ora Lazona'şa mendaftatsi, eksalepeşk'uni Lazuri osinapu kocoç'ekoy madzitsinert'u. 

Ar dğa, Kfançarerişa Bak'ozi k'ale na elilen gzas ar eksalişk'imi da muşi nubiramt'u do tk'u ki 'Ar dologoç'apxare, tersi tersi idare' ya dzitsineri do xe valeri. Bdzitsamt'it'.Bere vort'it. Taxanaşi cumadepe şkuni na tkves tkvalape cevadzitsert'it...
Aşi tzaneri kovort'i mondo. Noseri bere vort'idoon...Him dğart'u Lazuri nena Turkulişa gale ar nena na ort'u na oxovotzoni. Ham na oxovotzoni şeni guri doloxe dido noseri mepşonumt'i tişk'imi.

Germaiaşa goviktitsi, lazuri onç'aru moviç'art'u mara, alfabe na va mişk'urtu şeni Almanuri alfabeşi boncape osvarute tzulu tzulu komovıç'i.
Bereluri nosişk'imite taxa eksalepeşkimi ar jur zit'a k'artali vunç'arart'u. 

Andğa mişkun ki, bereluri nosi varort'u. Ar naturali şeyirtu nana nena şk'imite onçaru na minont'u.
Andğa nanaşk'imi him k'art'ali şinaxeri uğurt'uk'o do ar bzirik'o na p'çarepe.
Almanuri boncapete Lazuri onçaru muçort'u, maziranert'u do dido bzitsatert'un...

mendaxti!

Igzali. Çkar toli mo mazir.

Ma, 3'ulu burjuva şk'imite xvala dopsk'uda

Zara varen.

Balkoni livadina na dovorgi purkirepes meşureri ti maxelen ma 

ha,

arti ulurt'aşa

na momçi gyulepe ti mendiği,

 -ma zametti mo moxenapapam, gogixta-

tude na dgun uça bidonis kodolot'oçi gamaxtaşa,

amani sk'ita na on mo dolot'oç'am

hak germania cozun. Koçi iluman çopi şeni.

Arti, 

mu cozurt'u-?

Dileği, ho,

hemus selami u3vi.

Na ginç'arupe komaziru

ti mevust'ik'are memagas i.

Na emiçopi porça aşkva va mom3'ondun,

vot'oça i?

K'aixeşa gişk'un si, va mat'oçen.

Vida fukara komepça. Sebabi ren.

mendaxti aşkva,

toli mo mazir. 

Ma 3'ulu odaşkimi dopxeda

zi3ineri birapape vişk'inare

si ek'ak3'omileri.

Mendaxti aşkva, 

dimpuli toli mo mazir.

Amani zili mo cemiçam xolo ç'umenişi saet'i xut'i ivasi.

Va gogin3'are.

Ma oropeli kavelaşkimite xeleberi vincira 

xeleberi ezmocepes bzirare.

Uskaneli.

Igzali!

oxoşkveri gzas daç'xuri na muxenan şverepe si gimçeşaman,

pandura gibiranen, si ti hini eluxedi do 

merakli merakli trağudi, iyen i?

goiktasi amani ğvindi mo moiğam oxorişa ham seferi

zat'i nekna va gogin3'am.

Nobazgi igzali.

ininu gale,

bare ar porça daha kodolikuniko

inite ğura na

guri mo cemat'ertas.

dik'aibi aşkva.

nek'na ti zori mo montxam.

ti mo mo3'unapapam
iyen i?

Ar k'art'ali, ginçari lazuri, ikitxi ikitxi do dibgari!

Oropa chkimi, Lazuri nenaö şuri do guri şk'imi!
Ğoma seri  doganciru. Leba ti diyu dort'u. Miçkin, si dido doganç'inen dulyas. Man ti heşo mutxanepe ginç'arartu ki mo pç'aramt'a maduşunu.

Si p'eya ham çarape mundes goliyonam. So golionam. Dolmuşis cexert'asha i? Dulya ortas'i i, oxorisha idasi i? Beki ti chk'ar va ikitxare ham k'artalis.

Hay so moxti giş'k'un i? Ham şkimi blog-iren. Osk'edinu şkimi şeni ham yeris dido şeyepe pç'ari.
Na bğari leksepe do nçarape hay dopk'orobi.
Skidalaşi, golvapeşi, Kabğapeshi, ğurapeshi,  nanaşi, babaşi do da do cumaşi, minobaşi do majuranepeşi, oropaşi do ozmonuşi. Na golaxtu sk'idala şkimişi mtelis leksepe do ç'arape hay dovoxvi.

Mara, 3'ana iyen belki ti koçi steri  a mutu vapch'ari. Hele ki Lazuri leksepe çk'ar vapö'ari.
Huy, si ikitxa diye lazuri ginç'aram.

Artikarti dolokiteri na vibgartit ngşun i? Taxa oxorepes şkunişa goviktatsi ar daha va bziratet'u artikarti.
Mara him çilambrepes artikarti daha ti ouropu sheni cextu...
Gişk'un si, dido çetini ar dulyaren ham sk'idala! Dido çetini ar oroparen na bzdumtu! Çkar na va iyasen steri ar dulyaren do ma ti hik'u k'apeti va vore.

Emuşeni ki oropate dovicgurik'o, bğururt'iko ti, alis dologak'ita do gale başka mut'u xeşa do gurişa vamomalen. Oropa hişote na va ask'edinasen mişk'inan curiti ti.

Man ti him oras uskaneli daçxuri mevin3'a, viç'va, let'a to mt'ut'a doviya do empulas vint'ala uneneli...
Oropa chkimi...

Lazona, si gomançeli!

Ma dido minobape miğun

na ak'iskanenanpe nik'arban!

Ar 3'ori xvala vamibağun

Ma dido ç'eroni vore

ar mçita xvala va mibağun

çk'ar var mom3'onun mtini ti ptk'va

Ma minon xançeni ti. 

Sk'it'a ti,

minon ma mzoğaşperi şk'imi!

Mit'i va to mepça!

Lazona, 

Si gomancheli!

Gonç'elu

Mendra kodopsk'udi t'k'vani ç'andapeşan,
vato memalay gola golvapeşa,
ar domı3'vi çona ndğa moxtaşa,
ma Lazona ardaha maz'irasen i?

Kogamafti oxorişi camişa,
Almanyas va nungvas çoyis livadi,
na eftare ar rak'ani kortuk'o
xe gink'anik'o, si mz'irik'o cilepeşa.

Huy kelapxer xvala xvala minoba şk'imite
Suparape svareri miğun opşa gurite
miti var uşk'un si mi3vi
ma ham şurite Lazona ardaha maz'irasen i?

Ar gudaşi nena xvala domibağurt'u,
ar destani xvala, toli meğvaru şeni,
ar xe kelemisvik;o ognart'u
guri na dolomizun meraği şkimi.

Onç'aru minon ma!

Onç'aru minon ma.
Memashkvit do pç'ara.
Mişk'un ki
ma ghureri ar nenate pç'arum.
Memaşk'vit do miti na var oxvo3'onasen,
miti na var ak'itxasen ham ç'arapete pç'ara.
Matruşk'a şk'imiş doloxe mpuleri miğun ma lazuri.
Him hik'u becitiren ki, dovompuli guris doloxe, miti na var azirasen steri.
Him shk'imi ren.
Lazuri guris chk'imis xelaren.
Mişk'un ki, ey lazuri,
si p'anda ğureri nenare, do ma şuri şk'imi mekç'a do gosk'edinare.
Şk'imi şk'ala sk'idare si!
Gimordare sı k'itepeşk'imite!
Irdare imordare!
Ogzalu digura, uk'apare!
Ey Guris çkimis xela!
Irdi, Lazuri nena,
si marda do domoxela!